موضوع هاااام جداا القاموس الزغاوي

ينقز بمعنى يقفز

الصرطاقة بمعنى klakit

محرفة بمعنى مقلبة

طبني النا نلعب بمعني انا العب

أنسك.........
أنسك أو دهوا
أي بمعني النفي

يجيجخ.......يدغدغ
ديدابور.......deja
بحايلي......يضهرلي
الجعلايلة......الأرجوحة
السيو....الدلو
يطغا......يوجع
السواطر.......جبال خاصة بزغاية
بو خمر..........البسيسة
يفانثي.......يخلع

الموضوع عجبني بزااااااااااااف
بصح الله غالب مانيش من زغاية
مافهمت فيها والو

شكرا ل صاحب الفكرة
اللي ما هوش من زغاية اقول له رانا رايحين انديروا فيلم و الترجمة تكون بكتابة الكلمة و معناهافي الشاشة هههههههههههه

أنا قول الكلة و هي الريدو
و البشكلة اللي هي القرطلة اللي انحطوا فيها الخبز
و البوثينة دي الربيع اللي هي حداء من النيلون و اللي يلبسو مالزمش اينحيه على خاطر الريحة في المنتدى و تشمها تقتل
يتبع.........

على السلامة خويا عادل يا مرحبا جوز وڨرب ، يظهرلي راك كنت متخبي ورا الكلة عليها ماشفناكش مدة طويلة
الكيروانة = الباسينة
يعني كي تنحي البوثينة مباشرة حط رجليك فالكيروانة تاع الماء ولا تسمع الريحة فالمنتدى تقرقش ههه

[b]الجوقي....اللي مايعرف يدير والو

نهوش = يعني جايح

شكرا أختي بنت الريف بصح لاشتا يحك رجليه في الكيروانة و الريحة تبقى تقرقش
بصح : لكن
لاشتا: méme

الله يبارك القاموس ماحابش يخلص

راكم رايحين تسردحو الديكسيونار هادي الكلمة(يسردح) لي ينوض يكتبها كون تزيدو تعاودوها نتهاوش معاكم
نتهاوش = نداڨ= نتقابض = نتخاصم
بصح خلي لابغا يتسردح ياخي الديكسيونار ديالك وأنت مولاه
لابغا = لاشتا =méme كيما قال عادل
لي قال زنجاري معناها =لون أزرق سماوي

فايح بمعنى مامليحش

راكم ما خليتولي والوا وصراحة كين كلمات و الله في حياتي ما سمعتهم :

يطبط : يشد

صبتلو الرد : استغليت الفرصة

يتسبط : يتمدد فوق الفراش

الغرايف : يعني القرصة او البغرير او mille trou

الفطير : تريدة الطاجين او النعمة

الزهومة تقرقش ههههههههههههههههههههههههههههههههههههههههههههههههههههه
ريحة موش مليحة خلاص

قاشي
في الجملة مثلا نقول على كلام شخص آخر
أي بمعني
نقلا عن كلامه
قاشي مصطفى

ڨربني =دزني= دفعني
يصرش= يستمع

من أهم ما يميز سكان زغاية و ضواحيها استعمال ثلاث حروف و هي "الكاف" و " الدال" و "الحاء"
و هو ما يختصر في كلمة " كدح"
فمثلا الكاف تستعمل مع الأفعال " كنروح " يعني " إنني أذهب "، "كنلعب" بمعنى " إنني ألعب"
و هناك من يستعمل التاء بدل الكاف مثل المغاربة " تنروح " و "تنلعب " و هي بنفس معنى " الكاف"
أما " الدال" فهي تستعمل مع الأشياء مثلا " دهاذي " بمعنى " إنها هذه " و " دهو " بمعنى " إنه هو "
أما حرف" الحاء" فيستعمل اختصارا لواحد فمثلا نقول " حالمنتدى" بمعنى " منتدى واحد"

و في هذا المعنى سأحكي لكم نكتة عن الحاء و لو أنها مشهورة ، حيث أن أستاذ طلب من تلميذ زغاوي أن يعطيه اسم حيوان يبدأ بحرف القاف فقال التلميذ " قط "
قال الأستاذ : اعطني حيوان آخر يبذأ بحرف الحاء فقال التلميذ " حالقط "



دمتـــــــــــــــــــم

ههههههههههههههههههههههههههه فريمو هاذي تهبل ربي يخيلكم و الله غير ضحكتونا

khalidovic18 كتب:

الله يبارك القاموس ماحابش يخلص

لابا يخلص= ما حبش يخلص = أبى أن ينتهي

مــــــــــــــــــــــــقاري: كون ماحطيتش هذا الموضوع ههههههههههههههههههههه = يا ليتك

مـــــــــــــــــــقــــــاري: تأتي أحيانا للدلالة على لفظ دال على حسن الحظ.

مـــــقــــــــــــــــــــــرّق: بمعنى بـخيل

حــــــــــــــــــــــــــرّش: معناها حرض

نحـــــرّش والتـّـحريشة: بمعنى المصروف.

هــــايْدة وهايْــــــــــدالا: بمهنى هكذا

هـــــــــــــــــــاوْلــّـــوط: بمعنى في الأسفل وتطلق عادة على مكان شخص أو شيء

متــْـحاشمِــــين : بمعنى متخاصمان ولا يتكلمان مع بعض.

متهاضْـــرِيـــن: عكس متحاشمين.

طـَــزْقـُـــــــــــو: ضربه بشدة

القريطفة دي قلبي: سويداء القلب

...يتبع

قبابــــوش : شقائق النعمان ويسمى في بعض المناطق المجاورة لزغاية حريراين إليكم الصورة وزيدو قولولي : ياي أحنا jamais سمعنا بهادي الكلمة
ما نسميوهش هكا هههههههه

حريراين

ياي ياي ياي أنا jamais سمعت بهادي الكلمة



و الله فعلا بنت دواري نعرف قبابوش و لكن حريراين jamais , never , أبدا

هذه بنت الدوار تعطيك كلمة متأكدة من وجودها في قاموس عدة بلديات لا تبعد كثيرا عن زغاية يا حميدة

موضوع مميز أهلا بك في منتدى زغاية

كلمة - العتلة-

و هي تستعمل في فصل الربيع للحصول على الخرشف




العتلة: (بالإنجليزية: Lever)، هي ذراع معدني أو خشبي يتمحور في مفصل ثابت أو نقطة إرتكاز (Fulcrum). و هي أُولى الآلات البسيطة الست التي حددها علماء عصر النهضة.

حميدة او يسعملها الماصو تاني ههههههه

أهلا بميمتا في القاموس الزغاوي ، كنت حاسبتك ما تفهميش الهدرة تاعنا

على خاطر قاعدة تجيك * بشي الزي *

ما معنى كلمة * بشي الزي * في هذه الجملة يا بنت لبلاد

راني نتمسخر

احم احم على حسب المعلومات الي قدموهالي ناس زغاية معنى كلمة "بشي الزي " هي "بشي يعني وحد و الزي يعني الزي " هه هههههه

الخلاصة نقولو حنا عدنا مدايرة وحد الزي "شي كيفاه" هههههه

جيتي تكحليها عميتيها يا بنت لبلاد أنا درك ما فهمتش *"شي كيفاه"

لازم تعرفيها وحدك وديري البحث في عمي قوقل

سأشرح لك - بشي الزي- معناه - بطريقة غريبة -

أما - شي كيفاه- بحثت و لم أجد يا ميمي

و نقولك حاجة - طبك- انت اللي تمديلي الإجابة

و قوليلي ما معنى - طبك -

حميدة لو كان نخطيك انا تضيعي
كلمة طبك تعني تعني .....

طبك انت الي تشرحيها خير مني

طبك معناها - normalement-أو من المفروض

يا الفحلة